የምዕራብ አዲስ አበባ መሠረተ ክርስቶስ ቤተክርስቲያን አሁን ያለችበትን ቦታ በ1989 ዓ.ም. በመግዛትና የጸሎት ቤት በመስራት ብዙዎችን በወንጌል ከመድረሷ ባሻገር በአካባቢው ላይ ባለው የማኅበራዊ ሥራ ተሳትፎ በማድረግ ብዙዎች እንዲታገዙ አድርጋለች፡፡ በተለይ ከኮንፓንሽን ኢንተርናሽናል ጋር በመተባበር እስካሁን ከአራት መቶ ያላነሱ ልጆችንና ወላጆችን በሁለንተናዊ አገልግሎት ስታገለግል ቆይታለች፡፡  በአሁኑ ወቅት አጥቢያይቱ ሰባት የሙሉ ጊዜ አገልጋዮች፣ አስራ አንድ ድጋፍ ሰጪ ሰራተኛችና ሁለት መቶ የሚሆኑ በልዩ ልዩ የሚያገለገረሉ የበጎ ፈቃድ አገልጋዮች ያሏት ሲሆን በአጠቃላይ 585 ተጠማቂ አባላት 350 የሚጠጉ ልጆች በአጠቃላይ 935 ሰዎችን በማገልገል ላይ ትገኛለች፡፡